Desde o ano 1997, a Festa do Mexillón e o Berberecho, coa colaboración do Concello de Vilanova de Arousa, homenaxeou a preto de 80 personalidades de distintos ámbitos (institucional, cultural, deportivo, social…) coas Insignias de Ouro e Brillantes da celebración. Deste modo, recoñécese a labor desenvolvida a favor da promoción e difusión dos produtos estrela desta celebración, así como dos sectores do mar e conserveiro, directamente vinculados a eles, e tamén pola súa contribución á mellora da sociedade vilanovesa desde distintos ámbitos.